मनास्लु वल्र्ड कलेजले एसइई फुटसलको उपाधी हात पारेको छ । मनास्लुले समेसन एजुकेशन इन्ष्टिच्युटद्वारा आयोजित फुटसल प्रतियोगिताको उपाधी हात पारेको हो ।त्यसैगरी प्रतियोगितामा क्यस्ट्ल(castle)स्पोर्ट्स कलेज उपविजेता भएका थियो । प्रतियोगिताको उत्कृष्ट किपरमा मनास्लुका पेम्बा भोटे, उत्कृष्ट खेलाडीमा मनास्लुकै कबिर तामाङ भएका हुन् । विजेताले शिल्डसँगै नगद १५ हजार, मेडल, प्रमाणपत्र त्यस्तै उपविजेताले नगद १० हजार, शिल्ड, मेडल र प्रमाणपत्र लगायत पाएको थियो ।प्रतियोगिताका बिजेताहरुलाई गोकर्णेश्वर नगरपालिकाका मेयर दिपक रिसाल र गोकर्णेश्वर खेलकुद समितिको अध्यक्ष संजय लामाले शिल्ड, मेडल, प्रमाणपत्र र नगद लगायत वितरण गरेको थियो । सोमबारबाट काठमाडौंको बेशीगाउँमा सुरु भएको फुटसल प्रतियोगिता एसइई दिएर बसेका खेलाडीहरुलाई प्राथमिकता दिएको आयोजकले बताए ।कार्यक्रमका सभापति एवं समेसन एजुकेशन इन्ष्टिच्युटका प्रबन्धक/निर्देशक अच्युत घिसिङका अनुसार काठमाडौंका विभिन्न विद्यालयका ३२ टिमले सहभागिता जनाएका हुन् । उनका अनुसार खेलकुदले विद्यार्थीलाई उर्जा थप्ने भएकाले इन्ष्टिच्युटले प्रतियोगिताको आयोजना गरेको हो ।